اشراقه الكون
عدد المشاركات : 651 تاريخ التسجيل : 16/02/2011
| موضوع: علي مقهي الثوره الإثنين فبراير 28, 2011 5:57 am | |
| المكان : قهوة في ركن من أركان ميدان التحرير تعالو نشرب شاي أو أي حاجة دافية ... ونختلف بإحترام , اه تعالوا نختلف مش شرط رأيي يعجبك ولا رأيك يعجبني , بس كعادتي , بحب اتكلم كتير واكتب كتير فحبيت ارغي شوية طيب معلش الاول بما إننا في بلد ديموقراطي عاوز أقولك حاجة , أنا اختلفت مع ناس كتير اوي قبل كده , قدرت احترم ناس ومقدرتش احترم ناس مرة اختلفت باحترام ومرة اختلفت بكل قلة ذوق , ومعنديش مانع اني اعترف بصفتي متابع كويس للتكنولوجيا وعندي إيميل وعندي أكونت علي كتاب الوجه - الفيس بوك - قدرت أزور أماكن كتير أوي وأنا قاعد مكاني حاكم القعدة علي النت عاملة زي قراءة الكتب , بتخليك تزور أماكن كتير وأنت لم تبرح مكانك ! بعض الملاحظات الملفتة للنظر علي الفيس بوك : بعد ثورة 25 يناير - ثورة اللوتس - - الثورة الضاحكة - وأي اسم تاني جميل , بعد الثورة الجميلة دي لاحظت مميزات جميلة جدا للفيس بوك مايلفظ من قول إلا لديه رقيب عتيد - 1- تقدر تعمل لايك -Like - لصفحة حد معين حتي لو إنت متعرفش هو كويس وألا وحش , وكمان تقدر ترشح حد للرياسة حتي لو هو مش موافق , حتي لو هو مقالش انه هيترشح , وتقدر كمان تخليه يفوز بالانتخابات ويعمل حكومة , وممكن تكون الحكومة دي فاسدة وتعمل صفحة تطالب بإسقاطها , وفي الاخر تعمل صفحة تانية تطالب بإسقاط الرئيس الوهمي ومنعه من الترشح للرياسة تاني علي الفيس بوك 2- تقدر تنشر خبر مش صحيح أو صحيح , حسب حالتك المزاجية , مفيش حد مراقبك , - 3- تقدر تقول علي حد إنه عميل - زبون او client بالإنجليزي - , وأنا حقيقي بقترح علي المجلس الاعلي للفيس بوك إنه يعمل جنب لايك وكومينت , يعمل - إنت عميل - يعني تبقي كده - : [ندعوك للتسجيل في المنتدى أو التعريف بنفسك لمعاينة هذا الرابط] صورة توضيحية طبعا مش شرط تكون بالصورة دي , المجال مفتوح للإبتكارات وإحنا بلد ديموقراطي وكل واحد يقول رأيه بس أنا نفسي نقنن إستخدامها , يعني يكون لكل مستخدم للفيس بوك عميلين في اليوم , واتنين مش وطنين وده علشان نختار بحكمة ونحد من الزيادة الرهيبة في عدد العملاء - الزباين- والغير وطنيين ودمتم بود , نكمل وقت تاني إن شاء الله وأسف عالتطويل شعارنا " بلد ديموقراطي " يعني لو عاوز تختلف معايا اتفضل اما لو هتشرب حاجة وتقعد في جنب , مفيش مشاكل اتفضل برضه الاثنين 28 - 1 - 2011 ثورة شعب اعجبني ************* علمتني كيف ابتسم ورحلت قبل أن تخبرني عن الدموع في وداعة الله يانور عيني ... | |
|
Admin
عدد المشاركات : 672 تاريخ التسجيل : 15/02/2011 العمر : 40
| موضوع: رد: علي مقهي الثوره الإثنين فبراير 28, 2011 7:36 am | |
| يسلمووووووووووو ياقمر علي الموضوع الرائع تسلم الايادي | |
|
اشراقه الكون
عدد المشاركات : 651 تاريخ التسجيل : 16/02/2011
| موضوع: رد: علي مقهي الثوره الثلاثاء مارس 08, 2011 6:51 am | |
| | |
|
عاشق
عدد المشاركات : 278 تاريخ التسجيل : 16/02/2011
| موضوع: رد: علي مقهي الثوره الأربعاء مارس 23, 2011 6:18 pm | |
| | |
|